وين تنجم تلقى سيارات مستعملة في تونس؟
في تونس، برشا ناس يتساءلوا وين ينجمو يلقاو كرهبة مستعملة. هذا السؤال ديمة يتسأل عندنا، وتتعدد الطرق باش الواحد يلقى الكرهبة المستعملة المناسبة، أما نلخصو عملية البحث في ثلاثة محاور
الأول: تلوج في ريزو متاعك و العلاقات الشخصية، العائلة، الأصحاب، زملاء العمل ، جارك بلخص ، وكل واحد يعرفك بشكل مباشر أو غير مباشر ، وما تترددش بش تنشر المعلومة معاهم بش تقوي حظوظك وتلقى الكرهبة لتحلم بها
الثاني: الانترنات وخاصة فايسبوك ،مركتبلاس و ڨروبات الفايسبوك لبيع الكراهب المستعملة ، المواقع الإلكترونية اللي فيها أنونس بيعان الكراهب ، مش لازم يكون موقع بالفلوس ، هذومة الكل بلاش، ماعليك كان تعمل حساب بش تنجم تتصل بالبياع وتتواصل معاه
الثالث: الأماكن اللي تتباع فيها السيارات المستعملة مباشرة معناها على عين المكان ، مثلا سوق الكراهب فالمورج والشورومات إلي موجودين على كياسات ، ومحطات الوقود اللي تلقى فيها كراهب معروضة للبيع ، الأماكن هذومة لزمك تمشيلهم وتسأل على بلاصتك السيد إلي يعرض فيهم
في الآخر، هذه هي الطرق اللي تلاقى فيها كراهب مستعملة، ولكن الأهم من هذا كلو لزمك تحسن اختيارك وتتأكد من حالة الكرهبة ، وما تتسرعش في اتخاذ القرارات
شاهد الفيديو للمزيد من المعلومات