نصائح للتجنب من الغش والخسائر عند شراء سيارة مستعملة
وانتي تلوج على سيارة مستعملة أكيد بش تجيك عروض كبيرة ومغرية ، وتقدر تتحصل على كرهبة من عند معرفة ولا غيروا
من بين الكلام اللي ممكن تسمعه من البائع: "كرهبتي باهية برشة"، "المحرك ما ينقصش زيت"، "عمرها ما عملت حادث مرور"، "والله ساموني فيها بمبلغ كبير ومبعتش"، "عليك أمان الله خذوا عينيكم مغمضة"، "منغير ماتعمل دياڨنوستيك، بش تخسر فلوسك" وغيرها من العبارات اللي ممكن تأثر على قرارك وتصوراتك.
فالموقف هذا ننصحك تكون واثق من نفسك وشد صحيح بش تتأكد قبل متوقع على العقد ، كون على خطى ثابتة ومتزربش لانك لا قدر الله تنجم توقع في الخطأ الكبير و إلي وقع فيه سي بلال لقام بشراء سيارة زميلو فالعمل دون التثبت منها واكتشف بعد يومين انو تعرض لعملية غش فالسيارة لشرها ، مع العلم انو في مدة وجيزة متتجاوزش شهر واحد خسر مبلغ كبير قيمته 12 ألف دينار أي حوالي 4 ألف دولار لتغير المحرك
في بعض الأحيان مبدأ الثقة ينجم يكون معيارك الأول في إتخاذ القرار لكن في عملية بيع وشراء سيارة لازم تكون متأكدت من سلامة الهيكل والمحرك وجميع الأنظمة الإلكترونية وغيرها عن طريق فحص فني شامل بالإستعانة إلى خبير فالمجال
شاهد الفيديو للمزيد من المعلومات