ممنوع تغيير المحرك في تونس دون الحصول على موافقة الوكالة الفنية للنقل البري

ممنوع تغيير المحرك في تونس دون الحصول على موافقة الوكالة الفنية للنقل البري

في تونس، تعديل السيارات يُعتبر عملية حساسة ومراقبة بقوانين صارمة. كل تعديل كبير أو تغيير جوهري في الخصائص الفنية للسيارة، يلزمك الحصول على ترخيص مسبق من الوكالة الفنية للنقل البري

القوانين هاذي تهدف لضمان السلامة العامة، حماية البيئة، وضمان التزام العربات بالمعايير الفنية

شنوّة يعني تغيير جوهري؟

التغيير الجوهري هو أي تعديل كبير يمس الخصائص الأصلية للسيارة، كيفما تغيير المحرك، الهيكل، أو عدد المقاعد

 ومن بين التغييرات الجوهرية نلقاو

  • تبديل المحرك: كيما تركيب محرك بسعة أكبر أو قوة مختلفة
  • تغيير الهيكل أو الشاسيه: كيفما تعديل أو تغيير قاعدة السيارة
  • زيادة أو تخفيض عدد المقاعد: تحويل سيارة صغيرة إلى سيارة عائلية أو العكس
  • إضافة طاقة جديدة: تركيب نظام هجين أو كهربائي
  • تغيير الأوزان: تعديل وزن الحمولة القصوى أو الوزن الإجمالي

التعديلات على المحركات: مثال واقعي

في تونس، بعض أصحاب السيارات كيما سيتروين سي 3 و سي-الإليزيه الي فيها محرك 1.2 بيورتك يبدلوه بمحرك 1.4 المستخدم في سيارات كيما بيجو 206، لأنو المحرك القديم أرخص في الصيانة وأثبت صلابته. رغم أنو التبديل تقنيًا ممكن عبر تعديل نقاط التثبيت، نظام التبريد، وبرمجيات السيارة، إلا أنو مخالف للقانون إذا ما كانش عندك موافقة مسبقة من الوكالة الفنية للنقل البري

التعديل هاذا يُعتبر تغيير جوهري ويلزمه ترخيص وفحص للتأكد من السلامة والالتزام بالقوانين

عواقب التعديلات غير المصرح بها

التعديلات الغير قانونية تقدر تجيبلك غرامات مالية، حجز السيارة، وتعرضك لمخاطر في السلامة بسبب التأثيرات السلبية على توازن السيارة، وزيادة الانبعاثات البيئية من المحركات القديمة

قبل ما تعمل أي تعديل على سيارتك، تأكد من تقديم طلب رسمي لـ الوكالة الفنية للنقل البري و تحصل على الموافقة، وتعاون مع ورشات معتمدة باش تضمن السلامة. ما تغامرش بتعديلات غير قانونية باش ما تواجهش مخاطر قانونية. الالتزام بالقانون يحمي سيارتك، ويحمّيك انت والناس اللي معاك في الطريق

À lire aussi

Tous nos articles · Trouver un expert pour un diagnostic avant achat