خطوات أساسية لضمان عقد بيع سيارة ناجح
كي تحب تبيع ولا تشري كرهبة مستعملة، العقد هو أهم حاجة باش تضمن حقوقك وتحمي نفسك من المشاكل. هوني بش نحكيو على النقاط اللي لازم تاخذها بعين الاعتبار وقت تعمل العقد
التثبت مليح قبل البيع ولا الشراء
قبل كل شي، لازمك تعاين الكرهبة مليح. شوف حالتها ، وزيد خوذ رأي خبير في الميدان. الخبير يعاونك باش تتأكد من الحالة العامة للسيارة وتاخذ قرار واضح قبل ما تتقدم في عملية الشراء ولا البيع
شهادة المعاينة من الوكالة الفنية للنقل البري
كيما تعرف، قبل ما تعمل العقد لازمك تتوجه للـ (الوكالة الفنية للنقل البري) وتطلب شهادة المعاينة. الوثيقة هاذي تثبت هوية الكرهبة (رقم الهيكل وغيره) وتأكد اللي ما فماش مشاكل تقنية ولا قانونية تمنع عملية نقل الملكية
كتابة المعلومات الصحيحة في العقد
المعلومات اللي تكتبها في العقد لازم تكون صحيحة 100%، سواءً اسم المالك، رقم الهيكل، رقم المحرك، ولا أي تفصيل آخر يخص السيارة. الغلطة الصغيرة تنجم تسببلك مشاكل قانونية كبيرة
القيمة الحقيقية للسيارة
من المهم إنك تحدد قيمة السيارة الحقيقية في العقد. كيما يلزمك تكون واضح في تحديد السعر الحقيقي باش ما تصير حتى مشكلة بين الطرفين
القيام بالمعاملة المالية بطريقة آمنة
باش تكون العملية قانونية وواضحة، اعمل التحويل المالي عن طريق البنك. هكا، التحويل البنكي يثبت العملية ويضمن حق الطرفين