Plaque Constructeur Autocollante تفاصيل صغيرة بأهمية كبيرة
الإتيكات اللي تلقاها في الكرهبة موش مجرد ملصقات عادية، بل تعطيك معلومات مهمة برشة كيما رقم الشاسيه ، ضغط العجلات، والوزن الإجمالي للكرهبة.
لكن، إذا الإتيكات هاذي ضاعت ولا تلفت، ينجم يسببلك برشة مشاكل
وين تلقى الإتيكات في الكرهبة؟
داخل الباب الأمامي: على جنب باب السائق، تلقى معلومات كيما رقم الشاسيه، ضغط العجلات، والوزن الإجمالي للكرهبة
علاش الإتيكات مهمة؟
رقم الشاسيه : رقم خاص يعرف الكرهبة، وتستحقه في جميع الإجراءات القانونية
معلومات تقنية: تساعدك تضبط ضغط العجلات الصحيح
أهمية قانونية: الإتيكات ضرورية في الفحص الفني وفي استخراج شهادة المعاينة وقت بيع ولا شراء الكرهبة
شنوة ينجم يتلف الإتيكات؟
التنظيف بالضغط العالي:كي تستعمل كرشار ولا ضغط ماء قوي مباشرة على الإتيكات، ينجم ينحيها ولا يخليها تتلف
مواد تنظيف قوية:منظفات كيما اللي تستعمل للزجاج ولا التنظيف العميق تنجم تمسح الكتابة على الإتيكات
شنوة يصير إذا الإتيكات تلفت؟
فلوس إضافية: باش تطلب إتيكات جديدة من المصنع، يلزمك تخلص أكثر من 300 دينار تونسية ، حسب نوع الكرهبة تنجم تتكلف أكثر
مدة انتظار طويلة: بعض الإتيكات يلزمها تتصنع في المصنع الأم، وتستنى أسابيع، ويمكن حتى شهر وأكثر
مشاكل في الفحص الفني: إذا الإتيكات ناقصة، الوكالة الفنية للنقل البري ترفض المصادقة على الفحص الفني
تعطيل البيع: إذا الإتيكات ممسوحة ولا غايبة، ما تنجمش تستخرج شهادة المعاينة، وهذا يعطل البيع
كيفاش تحمي الإتيكات متاع كرهبتك؟
نظف بحذر:استعمل مواد تنظيف خفيفة، وتجنب ترش الماء بضغط عالي على الإتيكات
حافظ عليها بلصقة شفافة: إذا بدت الإتيكات تتقشر، زيد لصقة شفافة فوقها باش تحميها
خزن نسخة رقمية: صور الإتيكات وخلي نسخة في هاتفك ولا جهازك للاحتياط